Translate

ازاي تظبط البث الارضي الرقمي وتتفرج على أمم إفريقيا 2019 




احنا لفينا على كذا موقع وصفحة علشان نفهم القصة ونعرف نبسطها علشان تستفيدوا منه.

ايه هو اصلا البث الرقمي 🤔

تلفزبوناتنا قبل كدة بشكلها الكلاسيكي "الصندوق" كانت بتشتغل بنوع من البث اسمه الانالوج..وده بيعتمد على ترددات مش احسن حاجة في الدقة وكمان بنحتاج تردد واحد لكل قناة ... وكمان الترددات دي ممكن نستفيد منها بشكل أفضل لو فضناها واستفدنا بيها في حاجات تانية زي تحسين خدمات المحمول وكدة.
أما البث الرقمي أو الديجيتال فده نوع جديد من البث بيعتمد على تقنيات حديثة بحيث أن التردد الواحد ممكن يبث 6 قنوات وبجودة جيدة HD ده غير كتير من المميزات التانية مش ضرورية في موضوعنا دلوقتي ..وبالمناسبة الجهاز القومي لتنظيم الاتصالات كان عنده خطة للتحول للبث الرقمي بدل من الانالوج من حوالي ٦ سنين تقريبا ..بس مكنتش اتنفذت.
طيب هل كل التلفزيونات فيها إمكانية استقبال البث الرقمي 🤔🤔.
كل شاشات التلفزيون الحديثة ممكن تستقبل البث الرقمي، واي تلفزيون صندوق 📺📺 مش هيقدر يستقبل النوع ده من البث إلا بوسائل اضافية زي الاريال الخارجي وجهاز استقبال رقمي حاجة كدة شبه الريسيفر.
طيب تستقبل النوع ده من البث ازاي 🤔
الحقيقة اغلب الشاشات فيها اريال داخلي وده بيساعد على ظبط القنوات وكمان في كونفيرت ممكن نجيبه من اي كهربائي ةبخمسة جنيه بيساعد في تحويل طبق الدش لاريال ويحسن من جودة القنوات المستقبلة.
طيب ازاي نستقبل قنوات البث الارضي اللى من ضمنها قناة تايم سبورت اللى هتذيع بطولة أمم إفريقيا.
اعمل بحث تلقائي او اوتوماتيكي .
1_ ادخل علي الاعدادات او القائمة
2_ هات البحث او البث
3_ اختار البحث التلقائي وهتظهر القنوات
4_ او اختار البحث اليدوي اكتب التردد علي حسب المكان او منطقتك بعدين OK هتظهر القنوات .
ولو عاوز تعملها يدوي ..دي 👇👇 ترردات البث الرقمي حسب كل محافظة
القاهرة _ الجيزة _المنوفية _القليوبية
- القناة 32 UHF
- القناة 36 UHF
الشرقية
القناة UHF 32
القناة UHF 42
الإسكندرية
- القناة 27 UHF
-القناة 34 UHF
وسط الدلتا
على القناة 42 UHF
البث من مركز إرسال المحلة
بورسعيد
القناة 40 UHF
الإسماعيلية
القناة 27 UHF
السويس
القناة 23 UHF
العريش وشمال سيناء
القناة 23 UHF
الطور جنوب سيناء
القناة UHF 26
راس سدر جنوب سيناء
القناة UHF 46
شرم الشيخ
القناة UHF 31
دمياط
القناة UHF 31
غرب الدلتا
القناة 38 UHF
طنطا
القناة UHF 45
القناة 39 UHF
العلمين
القناة UHF 40
مرسى مطروح
القناة VHF 6
القناة VHF 8
السلوم
القناة UHF 9
الفيوم
القناة UHF 33
بني سويف
القناة 33 UHF
المنيا
القناة UHF 45
أسيوط
القناة 46 UHF
سوهاج
القناة 29 UHF
قنا
القناة 27 UHF
الاقصر
القناة UHF 28
نجع حمادي
القناة 35 UHF .
القصير البحر الاحمر
القناة UHF 40
الغردقه
القناة UHF 42

وده تردد قناة تيم سبورت

كما تم اطلاق البث عبر تردد قناة تايم سبورت Time Sport  أمس على النايل سات، ويمكنكم متابعتها من خلال ادخال التردد الخاص بها على جهاز الريسيفر:
اسم القناةالقمر الصناعيالترددمعدل الترميز
قناة تايم سبورتنايل سات11449 أفقي27500